A bomba hidráulica foi un enxeño mecánico inventado por Ctesibio de Alexandría no século III A.C, que tivo unha das súas aplicacións prácticas na explotación sistemática das minas romanas.

A bomba de Ctesibio está composta por dous recipientes idénticos de bronce, unidos por medio dun tubo en forma de pinza que contén as válvulas que se abren e pechan alternativamente para dar continuidade á saída da auga.

Cada un dos cilindros de bronce posúe á súa vez un pistón, a través do cal entra a auga no aparello. A bomba accionábase movendo de arriba a abaixo coa man unha panca de madeira e suxeitábase ao chan con cachotería para manto estable durante a súa utilización.